ຮອງລັດຖະມົນຕີກະຊວງປ້ອງກັນປະເທດ ລົງຕິດຕາມ
ການຈັດຕັ້ງປະຕິບັດ 2 ວາລະແຫ່ງຊາດ
ວັນທີ 13 ມີນາ 2023 ນີ້, ສະຫາຍ ພົນຕີ ຈັນທອງ ສອນຕະອາດ ກຳມະການຄະນະປະຈຳພັກກະຊວງ ຮອງລັດຖະມົນຕີກະຊວງປ້ອງກັນປະເທດ ໄດ້ລົງ
ຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດ 2 ວາລະແຫ່ງຊາດຢູ່ກອງພົນທີ2 , ມີສະຫາຍພົນຈັດຕະວາ ບຸນຍົງ ດາດົງໄຊ ຮອງປະທານສານປະຊາຊົນ
ປະທານສານທະຫານຂັ້ນສູງພ້ອມດ້ວຍຄະນະ, ມີຄະນະພັກ-ຄະນະບັນຊາກອງພົນ, ຄະນະຫ້ອງ, ພະແນກການ, ຄະນະພັກ-ຄະນະບັນຊາກອງພັນໃຫຍ່, ກອງ
ພັນນ້ອຍ, ກອງຮ້ອຍ ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.
ໃນໂອກາດດັ່ງກ່າວ ສະຫາຍພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ2 ໄດ້ຂຶ້ນລາຍງານສະພາບໂດຍຫຍໍ້ ໃນການຈັດຕັ້ງປະຕິ
ບັດ 2 ວາລະແຫ່ງຊາດ ໃນໄລຍະທີ່ຜ່ານມາ . ຈາກນັ້ນ, ສະຫາຍພົນຕີ ຈັນທອງ ສອນຕະອາດ ກໍໄດ້ມີຄຳເຫັນຊີ້ນຳ ເຊິ່ງກ່ອນອື່ນສະຫາຍໄດ້ສະແດງຄວາມ
ຍ້ອງ ຍໍຊົມເຊີຍຕໍ່ຄະນະພັກ-ຄະນະບັນຊາແຕ່ລະຂັ້ນ ພ້ອມກັນເສີມຂະຫຍາຍມູນເຊື້ອອັນດີງາມຂອງກອງທັບ ແລະ ຂອງກົມກອງ, ພ້ອມກັນປະກອບສ່ວນ
ຕັ້ງໜ້າ ເຂົ້າໃນຜົນງານລວມຂອງຊາດ, ຂອງກອງທັບ ແລະ ສ້າງກົມກອງໃຫ້ໜັກແໜ້ນເຂັ້ມແຂງ ໂດຍສະເພາະແມ່ນການຈັດຕັ້ງປະຕິບັດ 2 ວາລະແຫ່ງ
ຊາດ ໃນການແກ້ໄຂຄວາມຫຍຸ້ງຍາກດ້ານເສດຖະກິດການເງິນ ແລະ ສະກັດກັ້ນປາກົດການຫຍໍ້ທໍ້ບັນຫາຢາເສບຕິດ ພ້ອມທັງຮຽກຮ້ອງໃຫ້ຄະນະພັກ-ຄະ
ນະບັນຊາ ແຕ່ລະຂັ້ນເອົາໃຈໃສ່ໃນການສຶກສາອົບຮົມ ການເມືອງ-ແນວຄິດ ຂອງພະນັກງານ-ນັກຮົບ ໃຫ້ມີແນວຄິດການເມືອງໜັກແໜ້ນ ມີຄຸນສົມບັດ
ສິນທຳປະຕິວັດ, ຕັ້ງໜ້າຄົ້ນຄວ້າຮ່ຳຮຽນ ກຳແໜ້ນແນວທາງປ່ຽນແປງໃໝ່ຂອງພັກ, ກົດໝາຍຂອງລັດ, ເຊື່ອມຊຶມ ແລະ ກຳແໜ້ນທິດທາງວຽກງານປ້ອງ
ກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ; ເສີມຂະຫຍາຍມູນເຊື້ອເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ດຸໝັ່ນ
ປະຢັດມັດ ທະຍັດ, ຍູ້ແຮງການເພີ່ມພູນປູກຝັງ-ລ້ຽງສັດ, ຍົກສູງລະດັບຊີວິດການເປັນຢູ່ ຂອງກົມກອງໃຫ້ນັບມື້ດີຂຶ້ນ, ຫັນເອົາເນື້ອໃນຈິດໃຈ 4 ໜ້າທີ່
ໃຫຍ່ 26 ແຜນງານຂອງຄະນະພັກກະຊວງປ້ອງກັນ ປະເທດໃຫ້ເປັນອັນລະອຽດ ຕິດພັນກັບການກໍ່ສ້າງໜ່ວຍພັກ ປອດໃສເຂັ້ມແຂງໜັກແໜ້ນ ແລະ ກົມ
ກອງ 3 ປອດ, ສ້າງກົມກອງ-ນັກຮົບວັດທະນະທຳ, ສາມາດຕ້ານ ແລະ ສະກັດກັ້ນບັນດາປະກົດການຫຍໍ້ທໍ້ຕ່າງໆໃນຖັນແຖວກອງທັບໃຫ້ໝົດໄປ.
ແຫຼ່ງທີ່ມາ:ຄຳຮັກ ໄຊວັນທອນ
ວັນທີ 15/03/2023